როგორ შეიძლება ლექსის წერა,
როცა ირგვლივ ამდენი ჭუჭყი, ნაგავი და ტალახია,
როდესაც ირგვლივ მკვლელი, კახპა და მატყუარაა,
ცა კიდევ ნისლით დაბურული, რუხი და ცივი.
როგორ შეიძლება ლექსის წერა,
როდესაც ბებრებს, რომელთაც შიათ
ნაგვის ყუთებში ჩაურგავთ თავი.
რამ გაიძულოს ლექსის წერა,
როდესაც ბღარტი თავის სხეულს ჰყიდის,
ნავაჭრი კიდევ მამასთან მიაქვს.
როგორ გაბედე ლექსის წერა,
ლექსი ხომ სადღაც ზემოდან მოდის,
ამაღლებული, წმინდა და სუფთა.
17.12.2000
No comments:
Post a Comment